0431 310 310
info@parkingservice.ge

გუგუნავას ქ. № 2 
ქუთაისი, საქართველო

მენიუ

  1. შპს „პარკინგსერვისი“-ს მიერ ავტოსატრანსპორტო საშუალების სპეციალურ დაცულ სადგომზე გადაყვანა ხორციელდება საქართველოს ადმინისტრაციულ სამართალდარღვევათა კოდექსითა და „თვითმმართველი ქალაქის - ქუთაისის ტერიტორიაზე ავტომანქანების პარკირების მარეგულირებელი ნორმების - ავტომანქანების პარკირების ადგილების განსაზღვრისა და ავტომანქანების პარკირების წესების დადგენის შესახებ „თვითმმართველი ქალაქის“ - ქუთაისის საკრებულოს 2010 წლის 15 ოქტომბრის №25 დადგენილებით განსაზღვრულ შემთხვევებში.
  2. პარკირების წესის დარღვევისათვის საქართველოს ადმინისტრაციულ სამართალდარღვევათა კოდექსის 12 მუხლის მე-5 ნაწილის თანახმად ავტოსატრანსპორტო საშუალება სპეციალურ დაცულ სადგომზე გადაყვანილი იქნება შემდეგ შემთხვევებში:
    1. თუ ავტომანქანა დგას ისეთ ადგილზე, რომელიც აფერხებს საგზაო მოძრაობას ან საშიშროებას უქმნის მოძრაობის უსაფრთხოებას;
    2. თუ ავტომანქანა დგას ტროტუარზე;
    3. თუ ავტომანქანა დგას ავტობუსის გაჩერებაზე;
    4. თუ ავტოსატრანსპორტო საშუალება ხერგავს/აბრკოლებს მოძრაობას;
    5. თუ ავტომანქანა დგას ქვეითთა გადასასვლელზე;
    6. თუ ავტომანქანა დგას შეზღუდული შესაძლებლობის მქონე პირის მართვის ქვეშ არსებული ავტომანქანის ადგილზე;
  3. საქართველოს ადმინისტრაციულ სამართალდადღვევათა კოდექსის 125 მუხლის მე-8 ნაწილის თანახმად ავტოსატრანსპორტო საშუალება სპეციალურ დაცულ სადგომზე გადაყვანილი იქნება შემდეგ შემთხვევებში:
    1. თუ ავტომანქანა დგას 3.27. „გაჩერება აკრძალულია“ და 3.28. „დგომა აკრძალულია“ ნიშნების ქვეშ;
  4. ავტოსატრანსპორტო საშუალების სპეციალურ დაცულ სადგომზე გადაყვანის საფასურია 40 (ორმოცი) ლარი;
  5. ავტოსატრანსპორტო საშუალების სპეციალურ დაცულ სადგომზე შენახვის საფასურია შემდეგი ოდენობა:
    1. თუ ავტომანქანა სპეციალურ დაცულ სადგომზე არ რჩება ღამის განმავლობაში - 5 (ხუთი) ლარი;
    2. თუ ავტომანქანა რჩება სპეციალურ დაცულ სადგომზე ღამის განმავლობაში - ერთი ღამე 10 (ათი) ლარი;
  6. სპეციალური დაცული სადგომიდან ავტოსატრანსპორტო საშუალების გაყვანა დასაშვებია:
    1. სამუშაო დღეებში - 10:00 საათიდან 19:00 საათამდე;
    2. არა სამუშაო დღეებში - 10:00 საათიდან 14:00 საათამდე;
  7. სპეციალური დაცული სადგომიდან ავტოსატრანსპორტო საშუალების გაყვანის უფლება აქვთ:
    1. ავტომანქანის სარეგისტრაციო მოწმობაში მესაკუთრედ რეგისტრირებულ პირს;
    2. ავტომანქანის სარეგისტრაციო მოწმობაში მესაკუთრედ რეგისტრირებული პირის მინდობილ პირს;
    3. სამართალდამრღვევს;
    4. ავტომანქანის სარეგისტრაციო მოწმობაში მესაკუთრედ რეგისტრირებული პირის პირველი რიგის კანონისმიერ მემკვიდრეს (შვილები, მეუღლე, მშობლები შვილიშვილები);